გიორგი სუმბათაშვილი

დაბადების ადგილი: ქ. ტფილისი.

დაამთავრა ტფილისის იუნკერთა ქვეითი სასწავლებელი და ოფიცერთა მსროლელთა სკოლა. 

განათლება მიიღო გიმნაზიაში. სამხედრო სამსახურში შევიდა 1889 წელს. მონაწილეობდა რუსეთ-იაპონიის (1904-1905) ომში. მსახურობდა 153-ე ბაქოს ქვეითთა პოლკში. 1911 წელს მსახურობდა 85-ე ვიბორგის ქვეითთა პოლკში. 1914-1918 წლების პირველი მსოფლიო ომის დროს მსახურობდა 145-ე ნოვოჩერკასკის ქვეითთა პოლკში. მეთაურობდა ბატალიონს. 1915 წელს მიიღო პოლკოვნიკის წოდება და საბრძოლო დამსახურებისათვის 145-ე ნოვოჩერკასკის ქვეითთა პოლკში გადაეცა წმინდა გიორგის ოქროს იარაღი; 1915-1917 წწ.  მეთაურობდა ცარიცინის 146-ე ქვეითთა პოლკს. 1918-1921 წლებში მსახურობდა ქართულ ჯარში. იყო მე-3 დივიზიის შტაბის უფროსი, ფრონტის სარდალი. 1921 წელს დაინიშნა მე-2 დივიზიის მეთაურად. დაჯილდოებულია საფრანგეთის საპატიო ლეგიონის ორდენით. ქართველი გენერალ-მაიორი. 

წყარო: სამხედრო ფიცის ერთგულნი: ქართველი გენერლები / მამუკა გოგიტიძე. -თბ., 2015.-გვ.40

• 1916 - წმინდა ანას III ხარისხის ორდენი (მახვილებითა და ბაფთით)
• 1915 - წმინდა ანას II ხარისხის ორდენი (მახვილებით)
• 1915 - წმინდა გიორგის IV ხარისხის ორდენი
• 1915 - წმინდა სტანისლავის II ხარისხის ორდენი (ბაფთით)
• 1909 - წმინდა სტანისლავის II ხარისხის ორდენი
• 1905 - წმინდა ვლადიმირის IV ხარისხის ორდენი (მახვილებითა და ბაფთით)
• 1905 - წმინდა ანას IV ხარისხის ორდენი