ივანე ჯაფარიძე

დაბადების ადგილი: ქუთაისის გუბერნია.

დამთავრა კონსტანტინეს მე-2 სამხედრო სასწავლებელი; საერთო განათლება მიიღო სამხედრო პროგიმნაზიაში.

ჯარში მსახურობდა 1886 წლიდან. სამხედრო სამსახური დაიწყო 150-ე ტამანის (რუსეთი) ქვეითთა პოლკში. 1903-1905 წლებში მსახურობდა ოზურგეთის მაზრის უფროსად. 1905-1910 წლებში ირიცხებოდა კაპიტნად კავკასიის სამხედრო ოლქის სამმართველოში. 1910 წლიდან თადარიგში იყო. 1911 წელს დაინიშნა თერგის მხარის გროზნოს ოლქის სამხედრო უფროსად. 1911-1914 წლებში მსახურობდა თერგის მხარის ხასავ-იურტის ოლქის უფროსად. 1914-1917 წლებში კი  თერგის მხარის გროზნოს ოლქის უფროსად. 1915 წელს პოლკოვნიკის სამხედრო წოდება მიენიჭა; 1918-1921 წლებში მსახურობდა ქართულ ჯარში. იყო უცხოელთა მისიებთან ურთიერთობების განყოფილების უფროსი და სამხედრო სამინისტროს დავალებათა შტაბ-ოფიცერი. 1921 წლიდან ემიგრაციაში, საფრანგეთში იმყოფებოდა. ქართველი გენერალ-მაიორი.

წყარო:  სამხედრო ფიცის ერთგულნი: ქართველი გენერლები.-თბ., 2015.-გვ.41

• ქართველ მხედართა კავშირი, წევრი

• 1907 - წმინდა ანას II ხარისხის ორდენი
• 1903 - წმინდა სტანისლავის II ხარისხის ორდენი