არსენ აბრამიშვილი

დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი 1958 წელს. 

მუშაობდა რუსთაველის სახელობის  და ქუთაისის ლადო მესხიშვილის სახელობის თეატრებში, საქართველოს რადიოს დიქტორად. სტუდენტობიდან დაწყებული პერიოდულად იწვევდნენ ფილმებში, ერთადერთი მთავარი როლია ჰუსეინი ფილმში "ზვიგენის კბილი" (შ. გედევანიშვილი, 1959). მონაწილეობს ფილმებში: "ბაში-აჩუკი" (ლ. ესაკია, 1956), "ხმელი წიფელი" (მ. კოკოჩაშვილი, 1957), მამლუქი (დ. რონდელი, 1958), "ტარიელ გულუა" (ლ. ხოტივარი, 1968), "წინაპართა მიწა" (გ. ლორთქიფანიძე, გ. ჭოხონელიძე, 1979), "ჟამი მოქცევისა" (ნ. ომიაძე, 1982), "ნუცას სკოლა" (მ. კოკოჩაშვილი, 2000), გაახმოვანა 300-მდე როლი.

წყარო: ქართული კონო, 1896-2011.- თბ., 2011.- გვ. 31