ივანე ოქრომჭედლიშვილი

დაბადების ადგილი: ქ. სიღნაღი.

ერთ-ერთი პირველი ქართველი აგრონომი. დაწყებითი განათლება სიღნაღის სასწავლებელში მიიღო. 1855 წელს დაამთავრა თბილისის გიმნაზია, 1859 წელს გორიგორეცკის (მოგილიოვის გუბერნია, ორშის მაზრა) სამიწათმოქმედო ინსტიტუტი.

ნაშრომისათვის "თამბაქოს მოყვანის შესახებ" მიენიჭა ჯერ მეცნიერებათა კანდიდატის ხარისხი, შემდეგ მაგისტრის წოდება. 1861 წელს, საქართველოში დაბრუნებისთანავე სათავეში ჩაუდგა ჟურნალ "ცისკრის" დამატება "გუთნის დედას", რომელშიც ქვეყნდებოდა სტატიები აგრონომიის აქტუალურ საკითხებზე.

წყარო: ქართული საბჭოთა ენციკლოპედია: ტ.7.-თბ., 1984.-გვ.610