ოთარ კუჭავა

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1949 წელს.

1949-1954წწ. მუშაობდა სამშენებლო-სამონტაჟოტრესტ "ჩაიმშენმონტაჟში", წალენჯიხისა და დაბა ჯვრის ჩაის ფაბრიკების მშენებლობაზე სამუშაოთა მწარმოებლად, მთავარ ინჟინრად, სამმართველოს უფროსად; 1954-1957წწ. ამავე ტრესტის ქ. ჭიათურის და გუდაუთის სამმართველოების უფროსად; 1957-1972წწ. იყო საქართველოს მშენებლობის სამინისტროს N2 სამშენებლო ტრესტის N1 სამმართველოს უფროსი; 1973-1975წწ. ამავე სამინისტროს ტრესტ "ბიჭვინთმშენის" მმართველი; 1975-1985წწ. საქართველოს სასოფლო მშენებლობის სამინისტროს N1 ტრესტის მთავარი ინჟინერი; 1985 წლიდან სათავეში ედგა ამავე სამინისტროს სპეცმონტაჟის სამმართველოს; ხელმძღვანელობდა ჩაის ფაბრიკებისა და ღვინის ქარხნების (დასავლეთ საქართველოში), კაჭრეთის წისქვილკომბინატის, თბილისის უნივერსიტეტის ახალი კორპუსის, მსხვილი საკურორტო-ტურისტული კომპლექსებისა და საზოგადოებრივი დანიშნულების ობიექტების (აფხაზეთის ასსრ) მშენებლობას და საექსპლუატაციოდ გადაცემას; დაჯილდოებული იყო სხვადასხვა სახელმწიფო ჯილდოთი; არჩეული იყო გაგრის საქალაქო საბჭოს დეპუტატად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.329-330

• აფხაზეთის დამსახურებული ინჟინერი
• საქართველოს დამსახურებული ინჟინერი
• მედალი "შრომითი მამაცობისთვის"