კონსტანტინე კუჭუხიძე

დაბადების ადგილი: ქ. გაგრა.

დაამთავრა ქ. დნეპროპეტროვსკის საინჟინრო-სამშენებლო ინსტიტუტი მშენებელ-ინჟინრის კვალიფიკაციით 1977 წელს.

1977-1979წწ. გაიარა სავალდებულო სამხედრო სამსახური საბჭოთა არმიის რიგებში; მუშაობდა ქ. კომსომოლსკი-ამურზე სამხედრო ნაწილში, სპეციალობით; 1979-1982წწ. მუშაობდა საქართველოს მშენებლობის სამინისტროს N16 სამშენებლო ტრესტში (ყოფილი "ბიჭვინთმშენი"), ცენტრალური სამშენებლო ლაბორატორიის უფროსად; 1982 წელს გადაყვანილ იქნა საქართველოს კომპარტიის ქ. გაგრის საქალაქო კომიტეტის ინსტრუქტორად; 1986 წელს დაინიშნა ქ. გაგრის საქალაქო კომიტეტის მშენებლობის, მრეწველობისა და საქალაქო მეურნეობის განყოფილების გამგედ; 1988 წელს არჩეულ იქნა ქ. გაგრის საქალაქო საბჭოს აღმასკომის თავმჯდომარედ; 1992-1996წწ. მუშაობდა საწარმოო-სავაჭრო ფირმა "გაგრას" ვიცე-პრეზიდენტად; 1996 წელს დაინიშნა აფხაზეთის ავტონომიური რესპუბლიკის ვაჭრობისა და საგარეო ეკონომიკური ურთიერთობების მინისტრად; 2001 წელს დაინიშნა აფხაზეთის ავტონომიური რესპუბლიკის ეკონომიკის, მრეწველობისა და ვაჭრობის მინისტრად; 2004-2009წწ. იყო აფხაზეთის ავტონომიური რესპუბლიკის ეკონომიკის მინისტრი; 2010-2013წწ. მუშაობდა აფხაზეთის ავტონიმიური რესპუბლიკის უმაღლესი საბჭოს თავნჯდომარის მრჩევლისა და თანაშემწის თანამდებობაზე; 2013 წელს დაინიშნა რეგიონული მართვის საკითხებში აფხაზეთის ავტონომიური რესპუბლიკის მინისტრად; 2014 წელს დაინიშნა აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარედ; არჩეული იყო ქ. გაგრის საქალაქო საბჭოს დეპუტატად; მიღებული აქვს სახელმწიფო ჯილდოები და საუწყებო საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.330-331