ამირან ლაბარტყავა

დაბადების ადგილი: სოფელი მუხურჩი, მარტვილის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1952 წელს.

1942-1946წწ. მსახურობდა საბჭოთა არმიის რიგებში; 1952 წლიდან მუშაობდა საქართველოს სასოფლო მშენებლობის სამინისტროს სისტემაში ინჟინრად, უფროს ინჟინრად; 1955 წლიდან N4 მოძრავ-მექანიზებული კოლონის უფროსი იყო; 1959-1966წწ. იყო საკოლმეურნეობათაშორისო სამშენებლო ორგანიზაციის თავმჯდომარე, გაერთიანება "საქფრინველმრეწვის" თავმჯდომარის მოადგილე მშენებლობის დარგში; 1973 წლიდან ხელმძღვანელობდა საქართველოს სოფლის მეურნეობის სამინისტროს მშენებარე ობიექტების დირექციას, კაპიტალური მშენებლობის სამმართველოს; იყო რამდენიმე ტექნიკური სახელმძღვანელოს ავტორი, ადგილობრივი საბჭოების რამდენიმე მოწვევის დეპუტატი, თბილისის ვაკის რაიონის ვეტერანთა საბჭოს წევრი (1998); საბრძოლო და შრომითი დამსახურებისათვის დაჯილდოებული იყო სამამულო ომის I-II ხარისხის ორდენებითა და მედლებით და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.332

• მედალი "შრომითი მამაცობისთვის"