ზაურ ლაბარტყავა

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1966 წელს.

1966-1995წწ. მუშაობდა სამშენებლო გაერთიანება "საქჰიდროენერგომშენის" სისტემაში, ჯერ ენგურის ჰიდროელექტროსადგურის, ხოლო შემდეგ "ჟინვალჰესის" მშენებლობაზე; მუშაობდა გაერთიანება "საქჰიდროენერგომშენის" საბინაო მშენებლობის სამმართველოში; მისი ხელმძღვანელობით აშენდა მრავალი საბინაო და სოციალურ-კულტურული დანიშნულების ობიექტი; 1995-2000წწ. მუშაობს სამშენებლო გაერთიანება "საქგვირაბმშენის" ფილიალ "ფოთი-პორტმშენის" გენერალურ დირექტორად; ამ პერიოდში აქტიურად მონაწილეობდა სახელმწიფო სტრატეგიული დანიშნულების ობიექტების მშენებლობაში. სახელდობრ: სუფსის ტერმინალის, ქ. ფოთის პორტის ნავთობის ტერმინალის, პირველი, მეორე და მეთოთხმეტე ნავმისადგომის მშენებლობასა და რეაბილიტაციაში; მას ასევე დიდი წვლილი აქვს შეტანილი სარკინიგზო ბორნის მშენებლობაში; 2000 წლიდან იწყებს აქტიურ ბიზნეს საქმიანობას; ქმნის საკუთარ ფირმას შპს "175/2 ფაზისს", სადაც მუშაობდა გენერალურ დირექტორად; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.332; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.129

• საქართველოს ენერგეტიკოსთა კავშირი, წევრი
• საქართველოს მშენებელთა კავშირი, წევრი

• 1999 - ღირსების ორდენი
  სამშენებლო დარგის განვითარების საქმეში შეტანილი წვლილისათვის; საქართველოს სატრანსპორტო სისტემის განვითარებაში შეტანილი პირადი დიდი წვლილისა და ფოთის სარკინიგზო-საბორნე გადასასვლელის მშენებლობის დროს გამოჩენილი მაღალი პროფესიონალიზმისათვის