არქიფო ლაბახუა

დაბადების ადგილი: სოფელი რეკი, ოჩამჩირის რაიონი.

დაამთავრა სტალინის სახელობის მოსკოვის სამთო ინსტიტუტი მაღაროთა მშენებლობის სპეციალობით 1936 წელს.

1936-1953წწ. მუშაობს ტყვარჩელის მაღაროთა სამმართველოში; იყო შახტის უბნის უფროსის თანაშემწე, ვენტილაციის ქსელების უფროსი, მთავარი ინჟინრის თანაშემწე, შახტის მთავარი ინჟინერი, შახტის უფროსი და ტრესტ "ტყვარჩელნახშირის" მმართველი; 1953 წელს დაინიშნა აფხაზეთის ასსრ მინისტრთა საბჭოს თავმჯდომარედ; 1956-1976წწ. იყო საქართველოს მინისტრთა საბჭოს თავმჯდომარის მოადგილე მშენებლობის დარგში; 1976 წლიდან მუშაობდა საქართველოს სსრ სასოფლო მშენებლობის სამინისტროში მინისტრის უფროს მრჩევლად, ასევე, საქართველოს სსრ სასოფლო მშენებლობიოს სამინისტროს ტრესტ "ორგტექსოფმშენის" მართვის სისტემების სრულყოფისა და ეკონომიკური ანალიზის განყოფილების მთავარ სპეციალისტად; იყო საქართველოს სამშენებლო დარგის გამორჩეული ორგანიზატორი; უდიდესი წვლილი აქვს შეტანილი მისი განვითარების საქმეში; 1954-1976წწ. იყო საქართველოს კპ ტყვარჩელისა და სოხუმის საქალაქო კომიტეტის წევრი, აფხაზეთის ავტონომიური რესპუბლიკის საოლქო კომიტეტის ბიუროს და საქართველოს კპ ცენტრალური კომიტეტის წევრი; 1954-1958წწ. არჩეული იყო საბჭოთა კავშირის უმაღლესი საბჭოს დეპუტატად; 1951-1959წწ. აფხაზეთის ასსრ უმაღლესი საბჭოს სამი მოწვევის და 1959-1980წწ. საქართველოს სსრ უმაღლესი საბჭოს ხუთი მოწვევის დეპუტატად; 12 წლის განმავლობაში იყო საქართველოს პროფკავშირების საბჭოს წევრი; დაჯილდოებული იყო მრავალი მედლითა და სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.333; საქართველო: ენციკლოპედია: ტ.5. -თბ.,2023. -გვ.253

• საპატიო ნიშნის ორდენი
• წითელი დროშის ორდენი (3 ორდენი)
• აფხაზეთის ასსრ-ის დამსახურებული ინჟინერი
• საქართველოს დამსახურებული ინჟინერი