ნოე ცინცაძე

დაბადების ადგილი: სოფელი ლანჩხუთი, ოზურგეთის მაზრა.

დაამთავრა მოსკოვის უნივერსიტეტი, ფიზიკა-მათემატიკის პედაგოგის ხარისხით.

1903 წლიდან იყო რუსეთის სოციალ-დემოკრატიული მუშათა პარტიის წევრი; 1905-1907წწ. მოსკოვში პოლიტიკური საბაბით გაასამართლეს ადმინისტრციული წესით. 1917 წლის ნოემბერში აირჩიეს საქართველოს ეროვნული საბჭოს წევრად. 1918 წლის 26 მაისს ხელი მოაწერა საქართველოს დემოკრატიული რესპუბლიკის დამოუკიდებლობის გამოცხადების აქტს. 1918 წლის განმავლობაში იყო საქართველოს დემოკრატიული რესპუბლიკის პარლამენტის წევრი; პარალელურად - განათლების მინისტრის ამხანაგი. აქტიურად მუშაობდა სასკოლო სისტემაში ეროვნული განათლების რეფორმის გატარებაზე. 1919 წლის 12 მარტს აირჩიეს საქართველოს რესპუბლიკის დამფუძნებელი კრების წევრად საქართველოს სოციალ-დემოკრატიული მუშათა პარტიის სიით; იყო საფინანსო-საბიუჯეტო, ხელოვნების და სახალხო განათლების კომისიების წევრი. 1921 წელს, საბჭოთა რუსეთის მიერ საქართველოს დემოკრატიული რესპუბლიკის ოკუპირების შემდეგ დარჩა საქართველოში და ჩაბმული იყო წინააღმდეგობის მოძრაობაში. 1953 წლიდან აქტიურად იყო ჩართული რადიო "ევროპის გათავისუფლების" ქართული რედაქციის მუშაობაში. 1974 წლის 16 ივლისს მისი ხელმძღვანელობით, ჰარვარდის უნივერსიტეტს 30 წლის ვადით შესანახად გადაეცა საქართველოს დემოკრატიული რესპუბლიკის მთავრობის არქივი. 

წყარო: საქართველოს დამფუძნებელი კრება 1919. -თბ., 2016.-გვ.449

• რუსეთის სოციალ-დემოკრატიული მუშათა პარტია, წევრი (1903-)
• საქართველოს დემოკრატიული რესპუბლიკის პარლამენტი, წევრი (1918-)
• საქართველოს ეროვნული საბჭო, წევრი (1917-)
• საქართველოს რესპუბლიკის დამფუძნებელი კრება, წევრი (1919-)