მიხეილ ლაითაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1967 წელს.

1967-1971წწ. მუშაობდა საპროექტო ინსტიტუტ "თბილქალაქპროექტში" არქიტექტორად; 1972-1988წწ. საპროექტო ინსტიტუტ "საქქალაქმშენსახპროექტში" პროექტის მთავარ არქიტექტორად; 1988-1997წწ. სახელმწიფო სამხატვრო აკადემიის საპროექტო-სარეკონსტრუქციო ბიუროს დირექტორის მოადგილე იყო; 1989 წლიდან ხელმძღვანელობს საკუთარ არქიტექტურულ ბიუროს; 1971-1988წწ. შექმნილი და განხორციელებული ძირითადი ობიექტია: კლიმატო-ბალნეოლოგიური კლინიკა 250 ადგილზე, სახელმწიფო ბანკის შენობა, საკონცერტო თეატრი 1200 ადგილზე ქ. გაგრაში, კინოთეატრი 600 ადგილზე ბიჭვინთაში, ზუგდიდის აზროვნების და დასვენების ცენტრი; ჟურნალისტების დასასვენებელი სახლი 250 ადგილზე ბიჭვინთაში, კულტურის სახლი 200 ადგილზე ქ. გაგრის ზონაში, სამამულო ომში დაღუპულთა მემორიალი კახის რაიონის სოფელ ალიბეგლოში (აზერბაიჯანი); დაპროექტებული და განხორციელებული აქვს მრავალი ინდივიდუალური და მრავალბინიანი საცხოვრებელი სახლების და საზოგადოებრივი დანიშნულების პროექტები; არის სოფიის (ბულგარეთი) საერთაშორისო არქიტექტურული ბიენალეს მონაწილე და ლაურეატი (1983).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.335-336

• საქართველოს არქიტექტორთა კავშირი, წევრი (1976-)

• 2008 - საქართველოს დამსახურებული არქიტექტორი