მიხეილ ლანჩავა

დაბადების ადგილი: ქ. ქუთაისი.

დაამთავრა ამიერკავკასიის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1948 წელს.

1948-1950წწ. მუშაობდა ქ. ასტრახანში ოსტატად; 1950-1958წწ. ტყიბულის სამშენებლო-სამონტაჟო მატარებლის უფროსად; 1958-1961წწ. საქართველოს მშენებლობის სამინისტროს N7 სამშენებლო ტრესტ "საქშახტმშენის" თბილისის სამშენებლო-სამონტაჟო სამმართველოს უფროსად; 1961-1964წწ. ხელმძღვანელობდა საქართველოს მშენებლობის სამინისტროს N3 სამშენებლო ტრესტ "თბილმრეწვმშენისა" და 1964-1969წწ. კომუნალური მეურნეობის სამინისტროს სამშენებლო ტრესტ "კომუნრემშენის" სამშენებლო სამმართველოებს; 1969-1980წწ. იყო საქართველოს სასოფლო მშენებლობის სამინისტროს N29 მოძრავ-მექანიზებული კოლონისა და 1980-1990წწ. სამშენებლო ტრესტ "ამიერკავკასტრანსმშენის" N692 სამშენებლო-სამონტაჟო მატარებლის უფროსი; 1990 წლიდან სს ბიზნესცენტრ "სოფმშენის" საექსპლუატაციო სამსახურის უფროსია; ხელმძღვანელობდა ისეთი მსხვილი საწარმოო ობიექტების მშენებლობას, როგორებიცაა: "შაორჰესის" მაღალი წნევის მილსადენი, თბილისის აბრეშუმისა და მაუდსაქსოვი ფაბრიკები, მარაბდა-ახალქალაქის რკინიგზა და სხვა; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.336