ივანე ლაღიძე

დაბადების ადგილი: ქ. ფოთი.

დაამთავრა მოსკოვის სახალხო მეურნეობის ინსტიტუტი, ინჟინერ-მშენებლის კვალიფიკაციით 1925 წელს.

1919 წლიდან მუშაობას იწყებს სამხედრო-სამშენებლო ორგანიზაციაში, აეროდრომის მშენებლობაზე ტექნიკოსად; 1920-1921წწ. მუშაობდა ფოთის საქალაქო საბჭოს აღმასკომის ტექნიკური სამსახურის უფროსის მოადგილედ; 1924 წელს გადაიყვანეს "ზაჰესის" მშენებლობაზე; 1925-1926წწ. მუშაობდა ს/ს "საქართველოს მანგანუმში" ინჟინერ-კონსტრუქტორად; 1926-1928წწ. სამშენებლო განყოფილების უფროსად; 1928-1932წწ. კაპიტალური მშენებლობის განყოფილების უფროსად; 1932-1933წწ. მუშაობდა ქარხანა "ბაკურიანის ანდეზიტის" კაპმშენებლობის განყოფილების ტექნიკურ დირექტორად; 1933-1935წწ. "საქნავთობის" სამშენებლო სამმართველოს უფროსად; 1935-1936წწ. ტრესტ "აზნეფტის" კაპმშენებლობის სამმართველოს უფროს ინჟინრად; 1936-1962წწ. მუშაობდა სამშენებლო ტრესტ "კოლხეთმშენის" სამოქალაქო მშენებლობის განყოფილების უფროსად, შემდეგ ფოთის ახალი ნავსადგურის მშენებლობის უფროსად; 1947-1953წწ. იყო ქ. ფოტის მთავარი არქიტექტორი; 1953-1961წწ. მუშაობდა ფოთის ნავსადგურის მთავარ ინჟინრად; მისი ხელმძღვანელობით განხორციელდა ათობით მნიშვნელოვანი ობიექტის მშენებლობა, მათ შორის: 75-ბინიანი საცხოვრებელი სახლი "კოლხეთმშენის" თანამშრომლებისათვის, სამხედრო ჰოსპიტალი ქ. ფოთში აკაკის ქუჩაზე, ქ. ფოთის კუტურისა და დასვენების პარკის კომპლექსი, სტადიონ-იპოდრომი 1000-მეტრიანი სარბენი ბილიკით, საფეხბურთო სტადიონი 5 ათას მაყურებელზე, ჰიდრომელიორაციული ტექნიკუმის ადმინისტრაციული და ლაბორატორიული კორპუსები, ფოთის პორტის სარეკონსტრუქციო-სამშენებლო სამუშაოები და საზღვაო ვაგზლის მშენებლობა, საქალაქო სპორტული დარბაზის მშენებლობა 1000 მაყურებელზე და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.337