დიმიტრი თოფურია

დაამთავრა სამეგრელოს სასულიერო სასწავლებელი; დაამთავრა ტფილისის იუნკერთა სასწავლებელი 1879 წელს.

1877 წლიდან მსახურობდა ჯარში. მონაწილეობდა (1877-1878) წლების რუსეთ-ოსმალეთის ომში. 1909 წელს მსახურობდა პოდპოლკოვნიკად და მეთაურობდა ასეულს, შემდეგ კი ბატალიონს ზაქათალას 164-ე ქვეითთა პოლკში. მონაწილეობდა რუსეთ-იაპონიის (1904-1905) ომში. 1914 წლამდე მსახურობდა 164-ე ზაქათალას ქვეითი პოლკის მეთაურის თანაშემწედ. მონაწლეობდა (1914-1918) წლების პირველ მსოფლიო ომში. იმყოფებოდა გერმანელთა ტყვეობაში. 1914-1917 წლებში მეთაურობდა 308-ე ჩებოქსარის (რუსეთი) ქვეითთა პოლკს. 1918 წელს დაბრუნდა საქართველოში. მსახურობდა ქართულ ჯარში. 1921 წელს საქართველოს გასაბჭოების შემდეგ დარჩა საქართველოში. 1924 წლის აჯანყების დროს ხელმძღვანელობდა სამეგრელოს ნაციონალურ-დემოკრატიულ ორგანიზაციას. საბრძოლო დამსახურებისათვის და სამსახურში წარჩინებისათვის 1916 წელს დაჯილდოვდა ოქროს იარაღი. პოლკოვნიკი (1910), ქართველი გენერალ-მაიორი.

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.65

• 1916 - წმინდა გიორგის IV ხარისხის ორდენი
• 1909 - წმინდა ანას II ხარისხის ორდენი
• 1905 - წმინდა სტანისლავის II ხარისხის ორდენი (მახვილებით )
• 1903 - წმინდა ანას III ხარისხის ორდენი
• 1894 - წმინდა სტანისლავის III ხარისხის ორდენი