ტარიელ ლაჩაშვილი

დაბადების ადგილი: სოფელი იყალთო, თელავის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზების მშენებლობის სპეციალობით 1974 წელს.

1974-1977წწ. მუშაობდა საქართველოს საავტომობილო გზების სამინისტროს თელავის N2 საგზაო-საექსპლუატაციო უბნის სამუშაოთა მწარმოებლად; მონაწილეობდა კახეთის რეგიონში საავტომობილო გზების მოვლა-შენახვის სამუშაოებში; 1977-1993წწ. მუშაობდა საქართველოს საავტომობილო გზების სამინისტროს თელავის N9 ხიდების სამშენებლო-სარემონტო სამმართველოს უფროს სამუშაოთა მწარმოებლად, მთავარ ინჟინრად, მონაწილეობდა კახეთის რეგიონში გზების, ხიდების და ხელოვნური ნაგებობების სამშენებლო და სარემონტო სამუშაოებში; 1993 წლიდან შპს "რიუსპირი"-ს და 2005 წლიდან შპს "გზამშენი-2005"-ს დირექტორია; კახეთის რეგიონში და თიანეთის მუნიციპალიტეტში ასრულებდა გზების, ხიდების და ხელოვნური ნაგებობების სამშენებლო და სარეაბილიტაციო სამუშაოებს; საავტომობილო გზების და სხვა ინფრასტრუქტურული ობიექტების მშენებლობაში წარმატებული მონაწილეობისათვის, ასევე, როგორც მაღალკვალიფიციური და გამოცდილი სპეციალისტი არაერთგზის იქნა დაჯილდოებული ადგილობრივი თვითმმართველობის ორგანოების საპატიო სიგელებითა და სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.339