კარლო ლეკვეიშვილი

დაბადების ადგილი: სოფელი იანეთი, სამტრედიის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1976 წელს.

1969-1975წწ. მუშაობდა საბჭოთა კავშირის ქიმიური მრეწველობის სამინისტროს რუსთავის N10 სპეციალიზებულ სარემონტო-სამშენებლო და სამონტაჟო სამმართველოში ოსტატად, კადრების განყოფილების უფროსად; 1977-1978წწ. საქართველოს მშენებლობის სამინისტროს N1 სამშენებლო ტრესტ "ანიერკავკასმეტალურგმშენის" გეოდეზიური განყოფილების უფროსად; 1978-1982წწ. იყო საქართველოს კპ რუსთავის საქალაქო კომიტეტის საორგანიზაციო განყოფილების ინსტრუქტორი; 1982-1985წწ. რუსთავის მოსახლეობის საყოფაცხოვრებო მომსახურების სამმართველოს უფროსი; 1985-1988წწ. რუსთავის საქალაქო საბჭოს აღმასკომის კაპიტალური მშენებლობის სამმართველოს ტექნიკური განყოფილების უფროსი, სამმართველოს უფროსის მოადგილე; 1988-1995წწ. იყო საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" რუსთავის N1 სამშენებლო სამმართველოს უფროსი; 1995-1996წწ. სს "რუსთავმშენის" (ყოფილი N1 ტრესტის) გენერალური დირექტორის მოადგილე; 1996-2005წწ. "რუსთავმშენის" გენერალური დირექტორი; 2006 წლიდან სს "ენერჯი ინვესტის" კაპიტალური მშენებლობისა და შეკეთების განყოფილების მთავარი ინჟინერი; 2006-2007წწ. მუშაობდა "ასოციაცია ატუს" ("ქართუ ჯგუფი") საწარმოო-ტექნიკური განყოფილების უფროსად; 2007 წლიდა ამავე ასოციაციის გენერალური დირექტორია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.340

• საქართველოს ეროვნულ და სოციალურ ურთიერთობათა აკადემია, წევრი
• ფაზისის საერო-სამეცნიერო აკადემია, ნამდვილი წევრი