გურამ ლემონჯავა

დაბადების ადგილი: ქ. აბაშა.

დაამთავრა ნოვოსიბირსკის სამშენებლო ინსტიტუტი ხიდებისა და გვირაბების მშენებლობის სპეციალობით 1968 წელს.

1958 წლიდან მუშაობდა ქუთაისის საავტომობილო ქარხანაში მუშად, საიოდანაც გაწვეულ იქნა არმიის რიგებში; 1968 წელს მუშაობდა ტიუმენის ოლქის დასავლეთ ციმბირის სამშენებლო ტრესტის N2 სპეცსამუშაოების სამშენებლო სამმართველოში სამუშაოთა მწარმოებლად, ამავე ტრესტის მთავარი ინჟინრის მოადგილედ; 1979-1984წწ. ტრესტის მთავარი ინჟინერი იყო; 1984 წელს გადმოდის ქ. თბილისში და მუშაობს სხვადასხვა სამშენებლო ორგანიზაციებში; 1996 წლიდან მუშაობდა საქართველოს რკინიგზაში სპეცსამუშაოთა სამმართველოს უფროსად; 2004 წლიდან მუშაობდა სამშენებლო კომპანია "ხიდმშენის" უბნის უფროსად, სამმართველოს მთავარ ინჟინრად; წლების განმავლობაში მისი მონაწილეობით შესრულებულია ათობით სარკინიგზო ხიდის მშენებლობა და რეკონსტრუქცია; მათ შორის სარკინიგზო ხიდები მდ. ნოღელაზე, ბორითის ხიდის რეკონსტრრუქცია და სხვა; დაჯილდოებულია სახელმწიფო ჯილდოებით და საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.341