გიორგი ლეჟავა

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1940 წელს.

1940-1944წწ. მუშაობდა "გაგრა-გუდაუთის" სარკინიგზო ხაზის მშენებლობაზე წამყვან ინჟინრად; 1944-1952წწ. ამიერკავკასიის რკინიგზის სამმართველოს "ხაშური-ბორჯომის" სარკინიგზო მაგისტრალის მშენებლობისა და 1952-1959წწ. ამიერკავკასიის რკინიგზის სამოქალაქო მშენებლობის სამმართველოს უფროსად; 1959-1966წწ. ხელმძღვანელობდა თბილისის ელმავალმშენებელი ქარხნის მშენებლობას; 1966-1980წწ. იყო საბჭოთა კავშირის ელექტროტექნიკური მრეწველობის სამინისტროს სამშენებლო-სარემონტო ტრესტის N3 სამშენებლო სამმართველოს მთავარი ინჟინერი; წლების განმავლობაში აქტიურად მონაწილეობდა კუმისის, მარნეულის, შულავერის, ვაზიანის, სადახლოს, ივრის, ბადიაურის , მელაანის, ხაშურის, სოღანლუღის, კაჭრეთის, თელავის, გაჩიანის, გარდაბნისა და სხვა რკინიგზის სადგურების მშენებლობა - რეკონსტრუქციაში; ხელმძღვანელობდა მრავალი საცხოვრებელი სახლისა და ადმინისტრაციული შენობა - ნაგებობის, ბაქნების, სარკინიგზო დანიშნულების საავადმყოფოების, ტექნიკუმებისა და სპეციალიზებული საშუალო სკოლების, დარგობრივი ობიექტების მშენებლობას საქართველოში, აზერბაიჯანსა და სომხეთში; მიღებულია ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.341-342

• საქართველოს დამსახურებული ინჟინერი