გიორგი ლექვინაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1971 წელს.

მუშაობდა საპროექტო ინსტიტუტებში "საქქალაქმშენსახპროექტი" და "საქვაჭრობპროექტი" - პროექტის მთავარ არქიტექტორად, არქიტექტურულ-დიზაინერულ კოოპერატივ "გარანტიაში", საპროექტო-სამშენებლო ფირმა "ჯი-ელ"-ის პრეზიდენტია; მისი თანაავტორობით, ავტორობით და უშუალო მონაწილეობით რეკონსტრუქცია-რესტავრაცია გაუკეთდა და აშენდა, ქ. თბილისში: ოპერისა და ბალეტის სახელმწიფო აკადემიური თეატრი, საბავშვო ბაგა-ბაღი მეჩნიკოვის ქუჩაზე, კაფე "მაიკო" აღმაშენებლის გამზირზე, ოსური ლუდის ბარი ორთაჭალაში, უნივერმაღი ქ. ბორჯომში, ლაღიძის წყლები-სახაჭაპურე ქ. ზუგდიდში, რესტორნები - ქ. გაგრაში, ქ. ბიჭვინთაში, ქ. ბათუმში, კერძო ინდივიდუალური სახლები თბილისსა და საგარეჯოში, საბავშვო ბაღის დეკორატიული-საცურაო აუზი კანდელაკის ქუჩაზე ქ. თბილისში და სხვა; მონაწილეობა აქვს მიღებული მრავალ საერთაშორისო და რესპუბლიკურ კონკურსში და არის ამ კონკურსების ლაურეატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.343-344

• საქართველოს არქიტექტორთა კავშირი, წევრი (1978-)