ალექსანდრე ლობჟანიძე

დაბადების ადგილი: ქ. ჭიათურა.

დაამთავრა საქართველოს ტექნიკური უნივერსიტეტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1990 წელს.

1990 წელს მუშაობა დაიწყო იმავე სასწავლო დაწესებულებაში სამშენებლო კონსტრუქციების კათედრაზე ასისტენტად, უფროს მასწავლებლად; დაამთავრა ტექნიკური უნივერსიტეტის ასპირანტურა; არჩეულ იქნა კათედრის დოცენტად; 2000-2006წწ. მუშაობდა საქართველოს მეცნიერებათა ეროვნული აკადემიის კ. ზავრიევის სახელობის სამშენებლო მექანიკისა და სეისმომედეგობის სამეცნიერო-კვლევითი ინსტიტუტის მეცნიერ-თანამშრომლად; 2004-2006წწ. მუშაობდა თბილისის სამხატვრო აკადემიის საინჟინრო კათედრაზე პედაგოგად; ეწევა პედაგოგიურ მოღვაწეობას საქართველოს ტექნიკური უნივერსიტეტის სამშენებლო კონსტრუქციების კათედრაზე, კითხულობს რკინაბეტონის კონსტრუქციების კურსს; არჩეულია კათედრის ასოცირებულ პროფესორად; მისი სამეცნიერო კვლევების საგანს წარმოადგენდა ნაგებობათა სეისმომედეგობის საკითხები; ეწევა საექსპერტო საქმიანობას ნაგებობათა დაზიანების დიაგნოსტიკის, მზიდუნარიანობისა და სეისმომედეგობის განხრით; მონაწილეობს საპროექტო სამუშაოების შესრულების პროცესში შენობა-ნაგებობათა კონსტრუქციების გაანგარიშების ნაწილში; პედაგოგიურ მოღვაწეობის პარალელურად ეწევა პრაქტიკულ პროფესიულ საქმიანობას; 1998-2005წწ. იყო შპს "აკადემმშენის" მთავარი ინჟინერი; 1999-2016წწ. მუშაობს შპს "კაპიტელის" მთავარ სპეციალისტად. ტექნიკურ მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.345