ალექსი (ეპისკოპოსი)

დაბადების ადგილი: სოფელი გადიდი, მაშინდელი ქუთაისის გუბერნია.

დაწყებითი განათლება ოჯახში მიიღო, შემდეგ სწავლობდა მარტვილის სასულიერო სასწავლებელში, რომლის დამთავრების შემდეგ სწავლა განაგრძო თბილისის სასულიერო სემინარიაში. 1888წ. დანიშნულ იქნა მესტიის საეკლესიო-სამრევლო სკოლის მასწავლებლად. 1890წ. დიაკვანია, 1891წ. მღვდელი. მამა ალექსი აქტიურ მონაწილეობას იღებდა საქართველოს მართლმადიდებელი სამოციქულო ეკლსიის საეკლესიო კრებების მუშაობაში, მხარს უჭერდა სრულიად საქართველოს კათოლიკოს-პატრიარქს, უწმიდესსა და უნეტარეს ამბროსის. 1925წ. 8 ნოემბერს სრულიად საქართველოს კათოლიკოს-პატრიარქმა, უწმიდესმა და უნეტარესმა ამბროსიმ მამა ალექსი ეპისკოპოსად აკურთხა და ჩააბარა ცაგერის ეპარქია. 1928წ. 2 მარტს გადაყვანილ იქნა ჭყონდიდის ეპარქიის მმართველად, 1930წ. 1 სექტემბერს გადაყვანილ იქნა წილკნის ეპარქიის მმართველად. ეპისკოპოსი ალექსი მძიმე ავადმყოფობის შემდეგ გარდაიცვალა თბილისის №1 საავადმყოფოში. 

წყარო: ქართველი მღვდელმთავრები (XX-XXI საუკუნეები)/ ვარდოსანიძე ს. -თბილისი, 2010. -გვ. 167-168.