თენგიზ ჟღენტი

დაბადების ადგილი: სოფელი დაბლაციხე, ქუთაისის გუბერნია.

დაიბადა გაღარიბებული აზნაურის ოჯახში. აქტიურად მონაწილეობდა გლეხთა რევოლუციურ მოძრაობაში გურიაში; ეწეოდა პარტიულ საქმიანობას ბათუმში, ჭიათურაში, ქობულეთში, ქუთაისში. 1917 წლის თებერვლის რევოლუციის შემდეგ კავკასიის არმიის ჯარისკაცთა დეპუტატების საბჭოს ერთ-ერთი ორგანიზატორი. რევოლუციის შემდეგ, 1917 წლის ოქტომბრიდან რსდმპ-ს კავკასიის საოლქო კომიტეტის წევრი; 1919 წელს ელისავეტგარდის გარნიზონის სამხედრო კომისარი და უფროსი; ამავე წლიდან ოდესის სამხედრო კომისარი; 1919 წლის ბოლოს მონაწილეობდა შეიარაღებული აჯანყების მომზადებაში აზერბაიჯანში მუსავატისტების და საქართველოში მენშევიკების წინააღმდეგ; 1921-1922წწ. საქართველოს კპ(ბ) აჭარის საოლქო კომიტეტის პასუხისმგებელი მდივანი (პირველი მდივანი); ერთდროულად 1921-1922წწ. აჭარის რევოლუციური კომიტეტის თავმჯდომარე; ეკავა საქართველოს კპ ცკ(ბ) პარტიის ისტორიის განყოფილების უფროსის თანამდებობა; 1937 წლის 24 მაისამდე სრულიად საქართველოს ცენტრალური აღმასრულებელი კომიტეტის მდივანი; ამავე დღეს სიცოცხლე თვითმკვლელობით დაასრულა.

წყარო: ქართული საბჭოთა ენციკლოპედია: ტ.8.-თბ.,1984.-გვ.263

• რუსეთის სოციალ-დემოკრატიული მუშათა პარტია (რსდმპ) , წევრი (1903-)