დიმიტრი ლომაია

დაბადების ადგილი: ქ. ლაგოდეხი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1961 წელს.

1961-1971წწ. მუშაობდა საქართველოს მშენებლობის სამინისტროს სისტემაში ინჟინრად, სამუშაოთა მწარმოებლად, უფროს ინჟინრად, მთავარ სპეციალისტად; 1972 წელს დაინიშნა საქართველოს მშენებლობის სამინისტროს N12 სამშენებლო ტრესტის მთავარ ინჟინრად; 1975-1977წწ. მუშაობდა საქართველოს სოფლის მეურნეობის სამინისტროს მშენებარე ობიექტების ერთიანი დამკვეთის მთავარ სამმართველოში ზონალური სამმართველოს უფროსად; 1978 წელს გადაიყვანეს საქართველოს სახელმწიფო საგეგმო კომიტეტის საბინაო-კომუნალური მეურნეობის დეპარტამენტში უფროსის მოადგილედ, დეპარტამენტის უფროსად; 1982 წელს გადაყვანილ იქნა საქართველოს კომპარტიის ცენტრალური კომიტეტის მშენებლობისა და საქალაქო მეურნეობის განყოფილების გამგის მოადგილედ; 1986 წელს არჩეულ იქნა ქ. თბილისის საქალაქო საბჭოს აღმასკომის თავმჯდომარის პირველ მოადგილედ - საგეგმო კომისიის თავმჯდომარედ; 1991 წელს დაინიშნა საქართველო-ავსტრიის ერთობლივი საწარმოს (კაპიტალური მშენებლობის სფეროში) გენერალურ დირექტორად; 1998 წლიდან სამუშაოდ გადავიდა ქ. მოსკოვში, სადაც მუშაობდა კაპიტალური მშენებლობის სფეროში სხვადასხვა საპასუხიმგებლობო თანამდებობებზე; მისი ხელმძღვანელობით მნიშვნელოვნად განვითარდა ქ. თბილისის საქალაქო მეურნეობის ინფრასტრუქტურა (საცხოვრებელი მიკრორაიონები, კომუნალური, კავშირგაბმულობის, ელექტრო და გაზიფიკაციის ქსელები, კულტურულ-საგანმანათლებლო, სავაჭრო და ჯანდაცვის დაწესებულებები, სატრანსპორტო მაგისტრალები და ხიდები); უცხოური ინვესტიციები (100 მლნ. აშშ დოლარის ფარგლებში) აშენდა თანამედროვე ტიპის, მაღალი კლასის (ხუთვარსკვლავიანი) სასტუმრო "მეტეხი პალასის" კომპლექსში; არაერთგზის იყო არჩეული თბილისის საქალაქო საბჭოს დეპუტატად; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.346