პეტრე ლომაია

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტი ინჟინერ-ჰიდროტექნიკოსის კვალიფიკაციით 1932 წელს.

1937 წლიდან მუშაობა დაიწყო საპროექტო ინსტიტუტ "თბილჰიდროპროექტში"; ხელმძღვანელობდა "ხრამჰეს-I"-ის პროექტირების ჯგუფს; 1944 წლიდან იყო "ჩითახევჰესის", "გუმათჰესის" პროექტირების სექტორის უფროსი; 1959 წელს დაინიშნა საპროექტო ინსტიტუტ "თბილჰიდროპროექტის" მთავარ ინჟინრად; 1965 წლიდან იყო "თბილჰიდროპროექტის" მთავარი ინჟინრის მოადგილე და "ენგურჰესის" პროექტის მთავარი ინჟინერი; მისი ხელმძღვანელობით დაპროექტებული იყო სამი ჰიდროელექტროსადგური, ტექნიკურ დახმარებას უწევდა რუმინეთსა და ბულგარეთში ელექტროსადგურების მშენებლობას; საკავშირო ენერგეტიკის სამინისტროს მიერ დაჯილდოებულია 7 მედლით; ჰქონდა 14 სამეცნიერო ნაშრომი და გამოგონება.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.348

• საქართველოს დამსახურებული ინჟინერი
• წითელი დროშის ორდენი