დავით მაჭავარიანი

დაბადების ადგილი: ქ. თბილისი.

დაამთავრა თემირ-ხან-შურას რეალური სასწავლებლის მექანიკა-ტექნიკური განყოფილება 1884 წელს და ტფილისის სამხედრო სასწავლებელი 1888 წელს; ოფიცერთა მსროლელთა სკოლა 1909 წელს.

ჯარში მსახურობდა 1888 წლიდან. 1909 წლიდან მსახურობდა კაპიტნად ერევნის მე-13 ლაიბ-გრენადერთა პოლკში. 1914-1918 წწ. პირველი მსოფლიო ომის დროს იბრძოდა აღმოსავლეთ პრუსიაში. ბევრჯერ მძიმედ დაიჭრა. 1916 წელს დაინიშნა 490-ე რჟევის (რუსეთი) ქვეითი პოლკის მეთაურად, 1917 წელს კი სახელმწიფო ლაშქრის 37-ე ბრიგადის მეთაურად. 1918-1921 წლებში მსახურობდა ქართულ ჯარში, სამხედრო სამინისტროში, სახალხო გვარდიის მთავარ შტაბში. 1921 წელს, საქართველოს გასაბჭოების შემდეგ გადადგა სამხედრო სამსახურიდან. ცხოვრობდა ტფილისში. პოლკოვნიკი (1914), ქართველი გენერალ-მაიორი (1917).

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.76

• ოფიცერთა საკრებულოს სასამართლო, თავმჯდომარე (1918-1921)

• 1917 - წმინდა გიორგის IV ხარისხის ორდენი
• 1916 - წმინდა სტანისლავის III ხარისხის ორდენი
• 1915 - წმინდა ვლადიმირის IV ხარისხის ორდენი (მახვილებითა და ბაფთით)
• 1915 - წმინდა ვლადიმირის III ხარისხის ორდენი
• 1907 - წმინდა ანას III ხარისხის ორდენი
• წმინდა სტანისლავის II ხარისხის ორდენი
• წმინდა ანას II ხარისხის ორდენი