ილია ლომია

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტის სამთო ფაკულტეტი 1949 წელს.

1949-1955წწ. მუშაობდა ქ. ტყვარჩელში N5 და N3 მაღაროების უბნის უფროსად; 1955-1966წწ. მონაწილეობდა N6 მაღაროს მშენებლობაში, იყო N8 მაღაროს უფროსი; 1966-1972წწ. სათავეში ედგა საქართველოს მშენებლობის სამინისტროს N7 სამშენებლო ტრესტ "საქშახტმშენის"ტყიბულის სამშენებლო სამმართველოს "ტყიბულშახტმშენს"; ასევე, რესპუბლიკური გაერთიანება "საქნახშირის" კაპიტალური მშენებლობის სამმართველოს; ხელმძღვანელობდა ტყიბულის მაღაროების "კომკავშირულისა" და "დასავლეთის", ქალაქის ფეხბურთის სტადიონ "მეშახტის", N6 საშუალო სკოლის, საბავშვო ბაგა-ბაღების და სხვა მნიშვნელოვანი კულტურულ-საგანმანათლებლო ობიექტების მშენებლობას; არაერთგზის იყო არჩეული აფხაზეთის ავტონომიური რესპუბლიკის უმაღლესი საბჭოსა და ტყიბულის საქალაქო საბჭოს დეპუტატად, ასევე, საქართველოს კპ ტყვარჩელისა და ტყიბულის საქალაქო კომიტეტების ბიუროს წევრად; იყო მეშახტის I, II, და III ხარისხის დიდების ორდენების კავალერი; დაჯილდოებული იყო საბჭოთა კავშირის ქვანახშირის მრეწველობისა და საქართველოს მშენებლობის სამინისტროების საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.349-350

• ტყიბულის საპატიო მოქალაქე
• საქართველოს დამსახურებული ინჟინერი