ავთანდილ ლომიძე

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის 1971 წელს.

1971-1977წწ. მუშაობდა თბილისის ზონალურ სამეცნიერო კვლევით, ტიპური და ექსპერიმენტული პროექტირების ინსტიტუტში ("თბილზნიეპი") კარკასულ შენობათა განყოფილებაში ინჟინერ-კონსტრუქტორად; 1977-1995წწ. საქართველოს მშენებლობის სამინისტროს N13 სამშენებლო ტრესტის N5 სამშენებლო სამმართველოს სამუშაოთა მწარმოებლად, მთავარ ინჟინრად; 1996 წელს გადაყვანილ იქნა საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" მთავარ ინჟინრად; დაინიშნა ახლადშექმნილი სს "თბილმრეწვმშენ-3"-ის მთავარ ინჟინრად, ტექნიკურ დირექტორად; მონაწილეობდა მაუდ-კამვოლის კომბინატის, გლდანის რაიაღმასკომისა და რაიკომის შენობების, "საქმშენის" ბაზის (საბურთალოზე), პოლიკლინიკის (ვაჟა-ფშაველას გამზირზე) ქ. თბილისში, საცხოვრებელი მასივების (ნუცუბიძის პლატოზე, დიდ დიღომში, ვაშლიჯვარში) და სხვა მნიშვნელოვანი ობიექტების მშენებლობაში; აქტიური მონაწილეობა აქვს მიღებული მიწისძვრების შედეგად დაზიანებული საცხოვრებელი სახლებისა და სხვა შენობა-ნაგებობების აღდგენითი სამუშაოების შესრულებაში იმერეთის რეგიონში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.350; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 170

• საქართველოს მშენებელთა ფედერაცია, წევრი