არჩილ ლომინაძე

დაბადების ადგილი: ქ. ქუთაისი.

დაამთავრა ლენინგრადის ტექნიკური აკადემია 1930 წელს.

შრომითი საქმიანობა დაიწყო ლენინგრადშის ტექნიკურ აკადემიაში, შემდეგ გადავიდა ქ. ვოლოგდაში; 1932 წლიდან მივლინებული იყო საპროექტო ინსტიტუტ "ამიერკავკასსახპროექტში", ზუგდიდში ენგურქაღალდკომბინატის მშენებლობასთან დაკავშირებით, საპროექტო სამუშაოების შესრულებაში მონაწილეობისათვის; 1933 წელს დაინიშნა სამშენებლო ტრესტ "თბილქალაქმშენის" მთავარ ინჟინრად, მოგვიანებით - ენგურის ქაღალდის კომბინატის ტექნიკურ დირექტორად; მუშაობდა ამიერკავკასიის რკინიგზის ტრანსპორტის ინჟინერთა ინსტიტუტში სამეცნიერო-საკვლევი განყოფილების ხელმძღვანელად; 1942-1944წწ. მუშაობდა კარტოგრაფიული ქარხნის ბაზაზე ევაკოჰოსპიტლის მშენებლობის მთავარ ინჟინრად; 1944-1965წწ. ხელმძღვანელობდა საქართველოს სახელმწიფო საპროექტო ინსტიტუტ "საქსახპროექტს"; 1965-1974წწ. - საპროექტო ინსტიტუტ "თბილქალაქპროექტს"; მისი ხელმძღვანლობითა და მონაწილეობით საქართველოში დაპროექტდა და აშენდა რიგი მსხვილი საწარმოო ობიექტები; შესრულდა და დამუშავდა თბილისის, ქუთაისის, რუსთავის, თელავისა და სხვა ქალაქების განვითარების გენერალური გეგმები; 1974 წლიდან მუშაობდა საქართველოს პოლიტექნიკურ ინსტიტუტში დოცენტად; იყო 35 გამოქვეყნებული სამეცნიერო ნაშრომის ავტორი; მინიჭებული ჰქონდა სსრკ მინისტრთა საბჭოს პრემია. ტექნიკის მეცნიერებათა კანდიდატი, პროფესორი (1978).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.351

• სამამულო ომის II ხარისხის მედალი
• შრომის წითელი დროშის ორდენი
• საპატიო ნიშნის ორდენი
• საქართველოს დამსახურებული ინჟინერი

• სამშენებლო წარმოების ტექნოლოგია : დამხმ. სახელმძღვანელო (თანაავტორი). - თბილისი, ტექნიკური უნ-ტის გამ-ბა, 1991. - 120გვ.
• საამშენებლო სამუშაოები (თანაავტორი). - თბილისი, ტექნიკა და შრომა, 1942. - 658გვ.