გივი ლომიძე

დაბადების ადგილი: ქ. თბილისი.

დაამთავრა ქ. თბილისის რკინიგზის ტექნიკუმი 1949 წელს; საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზებისა და ნაგებობების მშენებლობის სპეციალობით 1965 წელს.

მუშაობა დაიწყო საქართველოს გზატკეცილების მთავარი სამმართველოს ("გუშოსდორის") სისტემაში N12 საგზაო- საექსპლუატაციო სამმართველოს ტექნიკოსად, სამუშაოთა მწარმოებლად, უფროს ინჟინრად; 1966 წლიდან მუშაობდა გაგრის N41 საგზაო საექსპლუატაციო სამმართველოს მთავარ ინჟინრად; 1968 წელს დაინიშნა თიანეთის N3 სამმართველოს უფროსად; 1970 წლიდან მუშაობდა N11 საგზაო სარემონტო-სამშენებლო სამმართველოს უფროსად; 1977 წლიდან კი გადაყვანილ იქნა საქართველოს საავტომობილო გზების სამინისტროს ცენტრალურ აპარატში მატერიალურ-ტექნიკური სამმართველოს უფროსად; 1982 წლიდან მუშაობდა N5 საგზაო საექსპლუატაციო სამმართველოს უფროსის, 1983 წლიდან N17 სამმართველოს უფროსის თანამდებობაზე; მისი ხელმძღვანელობით აშენდა არაერთი საგზაო ობიექტი, მათ შორის "სოხუმი-გაგრის", "ოჩამჩირე-გულრიფშის", "თბილისი-თიანეთის" საავტომობილო გზების მონაკვეთები, "თბილისი-კახეთის" საავტომობილო გზის ცალკეული ობიექტები, მრავალი სახიდე გადასასვლელი და საგზაო ხელოვნური ნაგებობა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.352

• საქართველოს დამსახურებული ინჟინერი