რომან ლომიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1967 წელს.

1967-1971წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტის" ქუთაისის ფილიალის ინჟინერ-დამპროექტებლად და პროექტის მთავარ კონსტრუქტორად; 1971-1979წწ. მუშაობდა საქართველოს მშენებლობის სამინისტროს N4 სამშენებლო ტრესტში ტექნიკური განყოფილების უფროსად; ქუთაისის საქალაქო საბჭოს აღმასკომში არქიტექტურულ-სამშენებლო ინსპექციის უფროსად, გაერთიანება "საქსპეცმშენში" ტექნიკური განყოფილების უფროსად; N4 სამშენებლო ტრესტის N1 სამშენებლო სამმართველოს მთავარ ინჟინრად და N4 სამშენებლო ტრესტის მთავარი ინჟინრის მოადგილედ; მისი ხელმძღვანელობით N4 სამშენებლო ტრესტში დაინერგა სამშენებლო ობიექტების მსხვილბლოკოვანი მშენებლობა; 1979 წლიდან მუშაობდა სააქციო საზოგადოება "ხუროს" მთავარ კონსტრუქტორად; აქტიური მონაწილეობა აქვს მიღებული ონის რაიონის საფლებში 1991 წლის მიწისძვრების შედეგად დაზიანებული შენობა-ნაგებობების გამაგრების და აღდგენის პროექტების დამუშავებასა და განხორციელებაში; 1993-1995წწ. მუშაობდა ქ. მოსკოვში სამშენებლო ფირმა "ბემ"-ში მთავარ კონსტრუქტორად და ბიუროს თავმჯდომარედ; არის რამდენიმე რაციონალიზატორული წინადადების ავტორი; მონაწილეობდა სხვადასხვა საკავშირო, რესპუბლიკურ და საქალაქო გამოფენებსა და კონფერენციებში; არაერთხელ იყო არჩეული საქართველოს სამეცნიერო-ტექნიკური საზოგადოების საბჭოს წევრად, სექციის ხელმძღვანელად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.352-353