გურამ მათითაშვილი

დაბადების ადგილი: ქ. სოხუმი.

დაამთავრა მოსკოვის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1958 წელს.

მუშაობა დაიწყო საქართველოს მშენებლობის სამინისტროს N6 სამშენებლო ტრესტის N1 სამშენებლო სამმართველოში მშენებელ ოსტატად; 1968-1969წწ. მუშაობდა N0908 სამშენებლო საწარმოში სამუშაოთა მწარმოებლად, უფროს სამუშაოთა მწარმოებლად; 1969-1970წწ. საქართველოს მშენებლობის სამინისტროს N6 სამშენებლო ტრესტის N5 სამმართველოში - მთავარ ინჟინრად; 1970-1976წწ. ქ. სოხუმის სახალხო დეპუტატების საქალაქო საბჭოს აღმასკომში - კაპიტალური მშენებლობის განყოფილების გამგედ, თავმჯდომარის მოადგილედ; 1974-1977წწ. იყო აფხაზეთის ასსრ მინისტრთა საბჭოს კაპიტალური მშენებლობის სამმართველოს უფროსი, ქ. სოხუმის სახალხო დეპუტატების საქალაქო საბჭოს აღმასკომის თავმჯდომარის პირველი მოადგილე; 1977-1979წწ. აფხაზეთის ასსრ საბინაო-კომუნალური მეურნეობის მინისტრი, აფხაზეთის ასსრ სახალხო კონტროლის კომიტეტის თავმჯდომარე; 1979-1990წწ. მუშაობდა საქართველოს სსრ სახალხო კონტროლის კომიტეტის ტრანსპორტისა და კავშირგაბმულობის განყოფილების გამგედ; 1991-1997წწ. სააქციო საზოგადოება (შემდგომში დეპარტამენტი) "საქგაზის" კაპიტალური მშენებლობის დირექციის დირექტორად; 1997 წლიდან ხელმძღვანელობდა სს "საქტრანსგაზმრეწვის" კაპიტალური მშენებლობისა და რემონტების განყოფილებას; არის საქართველოსა და სსრკ გაზის მრეწველობის საპატიო მუშაკი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.361

• ხალხთა მეგობრობის ორდენი
• საქართველოს დამსახურებული ინჟინერი