ივერი მაისურაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

1958-1963წწ. მუშაობდა საბჭოთა კავშირის ენერგეტიკის სამინისტროს სამშენებლო ტრესტ "საქჰიდროენერგომშენის" სისტემაში სამშენებლო-სამონტაჟო სამმართველო "ხრამჰეს-II"-ის სამთო ოსტატად და უბნის უფროსად; 1963-1979წწ. "ენგურჰესის" მშენებლობის სამმართველოს საწარმოო-ტექნიკური განყოფილების უფროსად, სამმართველოს მთავარ ინჟინრად; 1979-1984წწ. მივლინებული იყო ხადიტის ჰიდროკვანძის მშენებლობაზე (ერაყში) მთავარ ინჟინრად; 1985-1986წწ. იყო სამშენებლო ტრესტ "საქგვირაბმშენის" სამმართველოს მთავარი ინჟინრის მოადგილე; 1986-1995წწ. საბჭოთა კავშირის სატრანსპორტო მშენებლობის სამინისტროს სამშენებლო ტრესტ "კავგვირაბმშენის" მთავარი ინჟინერი; 1995 წლიდან ფირმა "რადუგა-M"-ის გენერალური დირექტორია; მონაწილეობდა "ენგურჰესის", "ხუდონჰესის", ჟინვალის ჰიდროსადგურის, კავკასიონის ქედზე 24 კმ-იანი საუღელტეხილო გზის (მთავარი გვირაბით), გვირაბებისა და ხელოვნური ნაგებობების ("ჩრდილო კავკასია-ამიერკავკასიის" გაზსადენის ტრასაზე), თბილისისა და მოსკოვის მეტროპოლიტენების მშენებლობაში; არის  არაერთი რაციონალიზატორული წინადადებისა და გამოგონების ავტორი, მათ შორისაა დაპატენტებული კომპლექსი დახრილი გვირაბების გასაყვანად, რომელიც "ენგურჰესის" მშენებლობაზე დაინერგა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.363

• საპატიო ნიშნის მედალი
• საპატიო ნიშნის ორდენი
• შრომის წითელი დროშის ორდენი