ლეონიდე (მიტროპოლიტი)

დაბადების ადგილი: სოფელი ლეჯიქეთი (მაშინდელი ზუგდიდის მაზრა).

დაიბადა სასულიერო პირის ოჯახში. პირველდაწყებითი განათლება მიუღია სენაკის სასულიერო სასწავლებელში. 1903-1907წწ. სწავლობდა სტავროპოლის სასულიერო სემინარიაში, 1907-1911წწ. წლებში ხარკოვის უნივერსიტეტის იურიდიულ ფაკულტეტზე.

1911-1957წწ. იყო საერო სამსახურში, როგორც კვალიფიციური სამართალმცოდნე, იურისტი. 1957წ. 1 თებერვალს სრულიად საქართველოს კათოლიკოს-პატრიარქის მელქისედეკ III-ის ლოცვა-კურთხევით თბილისის ალექსანდრე ნეველის სახელობის ეკლესიაში აღიკვეცა ბერად. 3 თებერვალს თბილისის სიონის საპატრიარქო ტაძარში ხელდასხმულ იქნა მთავარდიაკვნად. 4 თებერვალს დიდუბის ეკლესიაში ხელდასხმულ იქნა მღვდელმონაზვნად. 1957 წლის 15 თებერვალს, მირქმის დღესასწაულზე სრულიად საქართველოს კათოლიკოს-პატრიარქმა, უწმიდესმა და უნეტარესმა მელქისედეკ III-მ სინოდის წევრთა მონაწილეობით აკურთხა ცხუმ-აფხაზეთის ეპისკოპოსად. 1958-1959წწ. ეპისკოპოსი ლეონიდე ასრულებდა საქართველოს კათოლიკოსთან არსებული სინოდის რწმუნებულის მოვალეობას. ეპისკიპოსი ლეონიდე გარდაიცვალა სოხუმში. საქართველოს მართლმადიდებელი ეკლესიის მღვდელთმთავარი. დაჯილდოებული იყო: "რომანოვების სამასი წლის დინასტიის მეფობის მედლით" (1913), მედლით "1941-1945 წლებში ომში მამაცური შრომისათვის," ხოლო 1958 წელს უწმიდესისა და უნეტარესი მელქისედეკ III-ის მიერ კუნკულ-ბარტყულზე თვლებიანი ჯვრით, 1964 წელს წმიდა ნინოს - ორდენით.

წყარო: tm.ru.net/wiki; საქართველო: ენციკლოპედია: ტ.5. -თბ.,2023. -გვ.339