ჯიმი მამალაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი საინჟინრო მექანიკის სპაციალობით 1983 წელს.

1967 წელს დაიწყო შრომითი საქმიანობა; მუშაობდა საკავშირო სატრანსპორტო მშენებლობის სამინისტროს N454 ხიდშენ მატარებელში ოსტატად, N39 ხიდშენ რაზმში - მთავარ მექანიკოსად; 1981 წელს დაინიშნა N39 ხიდმშენი რაზმის უფროსის მოადგილედ; 1986 წლიდან N12 სამშენებლო-სამონტაჟო ტრესტ "ხიდმშენის " მმართველის მოადგილე იყო; 1996 წლიდან კი სს "ხიდმშენის" პირველი ვიცე-პრეზიდენტი; ხელმძრვანელობდა ათობით ხიდისა და გზაგამტარის დიდი, საშუალო და მცირე ხელოვნური ნაგებობის,"აღსტაფა-ბეიუკ-კიასიკის" სარკინიგზო ხაზის ხიდის, ქ. კიროვაბადის გზაგამტარის. ქ. კიროვაკანის ხიდების, "მარაბდა-ახალქალაქის" სარკინიგზო ხაზის ხიდებისა და გვირაბების მშენებლობას; აქტიურად მონაწილეობდა და უდიდესი პროფესიონალური ნიჭი გამოამჟღავნა ქ. თბილისში ბორის პაიჭაძის სახელობის ეროვნული სტადიონის, "თავისუფლების მოედნისა" და "რესპუბლიკის მოედნის" რეკონსტრუქციაში; მდ. მტკვარზე ბარათაშვილის, ვახუშტი ბაგრატიონის, გიორგი მინდელის სახელობის ხიდების; 1998 წელს საქართველო-აზერბაიჯანის საზღვარზე ე. წ. "წითელი ხიდის" (მდ. ხრამზე) მშენებლობებში; სომხეთში მომხდარი მიწისძვრის პირველი დღეებიდანვე საქართველოს მთავრობის დავალებით მონაწილეობა მიიღო მიწისძვრით გამოწვეული შედეგების სალიკვიდაციო სამუშაოების შესრულებაში; პირადად ჩაუდგა სათავეში ლენინაკანსა და სპიტაკში ჩამოყალიბებულ სპაციალიზებულ რაზმებს და გეგმით გათვალისწინებულ ვადაზე ადრე ჩააბარა მასზე მიმაგრებული ობიექტები, რისთვისაც დააჯილდოვეს ღირსების ორდენით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.365-366; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.97

• 2001 - ღირსების ორდენი
• 1998 - ღირსების მედალი
  მდინარე ხრამზე სახიდე გადასასვლელის - "წითელი ხიდის" მშენებლობის დადგენილ ვადაში დამთავრებისა და მაღალი პროფესიონალიზმის გამოვლენისათვის