რევაზ მამარდაშვილი

დაბადების ადგილი: ქ. ხონი.

დაამთავრა საქართველოს პოლიტექნიკური ინსტიტუტი სამრეწველო და სამოქალაქო მშენებლობის სპეციალობით 1968 წელს.

1963-1971წწ. მუშაობდა საქართველოს მშენებლობის სამინისტროს სისტემაში, სამშენებლო გაერთიანება "მთავართბილმშენისა" და N2 სამშენებლო ტრესტის ორგანიზაციებში სამუშაოთა მწარმოებლად, სამშენებლო უბნის უფროსად; 1971-1984წწ. იყო იმავე სამინისტროს სამშენებლო ტრესტ "კურორტმშენის" (ყოფილი "ბიჭვინთმშენი") N3 სამშენებლო სამმართველოს უფროსი, გაგრის ექსპერიმენტული სახლმშენებელი კომბინატის მთავარი მშენებელი; 1984-1992წწ. ხელმძღვანელობდა საქართველოს შსს სამშენებლო-სარემონტო სამმართველოს გაგრის ზონის უბანს; მონაწილეობდა თბილისის დიდი საკონცერტო დარბაზის, ცენტრალური არქივის, ბავშვთა რესპუბლიკური საავადმყოფოსა და წიგნის ფაბრიკის მშენებლობაში; საკურორტო, საცხოვრებელი და საზოგადოებრივი დანიშნულების ობიექტების მშენებლობაში ქ. გაგრის ზონაში; ასევე, მაღლივი (16 და 18-სართულიანი) საცხოვრებელი და საზოგადოებრივი დანიშნულების შენობების სეისმომედეგი, უნიფიცირებული, ანაკრები რკინაბეტონის კარკასული ნაკეთობების (სერია იის-04) ათვისებისა და დანერგვის საქმეში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.366