გურამ მამაცაშვილი

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის ჰიდროტექნიკისა და მელიორაციის ფაკულტეტი ინჟინერ-ჰიდროტექნიკოსის კვალიფიკაციით 1956 წელს.

1956-1961წწ. მუშაობდა "ხრამჰესის" ჰიდროელექტროსადგურის მშენებლობაზე, ქ. თბილისის წყალსადენის სათავე ნაგებობების სამმართველოს უფროსად, საქართველოს სახელმწიფო საგეგმო კომიტეტში; 1961 წლიდან საქართველოს მელიორაციისა და წყალთა მეურნეობის სამინისტროს სისტემაში კაპიტალური მშენებლობის სამმართველოს მთავარი ინჟინერი იყო; მუშაობდა სამშენებლო სამმართველოს უფროსად, სამშენებლო ტრესტ "წყალმშენის" მთავარ ინჟინრად, სამშენებლო ტრესტ "მტკვარწყალმშენის" მმართველად, საქართველოს მელიორაციისა და წყალთა მეურნეობის მინისტრის მოადგილედ; 1981-1986წწ. საქართველოს კომპარტიის ცენტრალური კომიტეტის მელიორაციის განყოფილების გამგე იყო; 1986-1988წწ. მუშაობდა საქართველოს სახელმწიფო კომიტეტის "აგრომრეწვის" თავმჯდომარის პირველ მოადგილედ; 1988-1990წწ. სამშენებლო გაერთიანება "მთავარწყალმშენის" უფროსის მოადგილე იყო; წლების განმავლობაში იყო ტექნიკური უნივერსიტეტის ლექტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.366-367

• საქართველოს დამსახურებული ინჟინერი