არჩილ მამფორია

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1931 წელს.

1939 წელს დაიწყო შრომითი საქმიანობა; 1941-1945წწ. იბრძოდა საბჭოთა არმიის რიგებში; 1946-1954წწ. მუშაობდა საქართველოს მშენებლობის სამინისტროს N7 სამშენებლო ტრესტ "საქშახტმშენის" სისტემაში, სადაც განვლო ყველა სამსახურებრივი საფეხური ინჟინრიდან სამმართველოს უფროსამდე; 1954-1966წწ. სათავეში ედგა სამშენებლო სამმართველო "ტყიბულშახტმშენს"; ხელმძღვანელობდა "კომკავშირული" (დღეს მინდელის სახელობის) შახტის, ტყიბულის ახალი ცენტრის ("გედების ტბა" სკვერით), კულტურისა და მოსწავლე ახალგაზრდობის სასახლეების, საცურაო კომპლექსის, კინოთეატრის, ბანკის, ფოსტის, საშუალო სკოლების, ახალი სარკინიგზო სადგურის მშენებლობას ქალაქ ტყიბულში; მაღაროთა სამმართველო "ტყიბულქვანახშირის" მთელი ინფრასტრუქტურის შექმნას, ოთხი ახალი დასახლებით დაწყებული, კულტურისა და ჯანდაცვის ობიექტებით დამთავრებული; იყო ტყიბულის საქალაქო საბჭოს ხუთი მოწვევის დეპუტატი, საქალაქო საბჭოს აღმასკომის წევრი; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.368

• ტყიბულის საპატიო მოქალაქე
• საპატიო მეშახტე
• საქართველოს დამსახურებული მშენებელი