დამირ მანჯგალაძე

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

1963-1964წწ. მუშაობდა ტაშკენტში, უზბეკეთის საავტომობილო გზების სამინისტროს ხიდმშენებლობის სამმართველოს ოსტატად; 1964-1968წწ. საპროექტო ინსტიტუტ "საკავშიროგზაპროექტის" თბილისის ფილიალის ინჟინრად; 1968-1972წწ. იყო საქართველოს მშენებლობის სამინისტროს ტრესტ "ორგტექმშენის" მთავარი სპეციალისტი; საქართველოს მშენებლობის სამინისტროს საწარმოო სამმართველოს უფროსის მოადგილე; 1972-1977წწ. მუშაობდა საქართველოს კპ ცენტრალური კომიტეტის მშენებლობისა და საქალაქო მეურნეობის განყოფილების ინსტრუქტორად, განყოფილების გამგის მოადგილედ; 1977-1983წწ. იყო საქართველოს კპ ბათუმის საქალაქო კომიტეტის პირველი მდივანი; 1983-1986წწ. საქართველოს კპ ცენტრალური კომიტეტის მშენებლობისა და საქალაქო მეურნეობის განყოფილების გამგის პირველი მოადგილე; 1986-1988წწ. საქართველოს მშენებლობის მინისტრი; 1988-1991წწ. მშენებლობის სახელმწიფო კომიტეტის თავმჯდომარის პირველი მოადგილე; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.368