ვლასი მანჯგალაძე

დაბადების ადგილი: სოფელი ღანირი, სამტრედიის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი.

ინსტიტუტის დამთავრების შემდეგ მუშაობდა ჩრდილოეთ ოსეთში; სათავეში ედგა მხარის ერთ-ერთ უმსხვილეს სამშენებლო ორგანიზაციას; 1970 წლიდან იყო საქართველოს მშენებლობის სამინისტროს N1 სამშენებლო ტრესტის მთავარი ინჟინერი, შემდეგ მმართველი; 1974 წელს დაინიშნა საქართველოს მშენებლობის მინისტრის პირველ მოადგილედ; ხელმძღვანელობდა ჩრდილოეთ ოსეთის არაერთი მნიშვნელოვანი ობიექტის - ოსეთის ეროვნული თეატრის, კულტურის სახლის, სამრეწველო კომპლექსების, სკოლების, საბავშვო ბაღების მშენებლობას; მისი ხელმძღვანელობით აშენდა მადნეულის სამთო-გამამდიდრებელი და რუსთავის ქიმიური კომბინატები, ზუგდიდის ფაიფურის ქარხანა, მთელი რიგი სამრეწველო ობიექტები აფხაზეთსა და ქ. ჭიათურაში; რეკონსტრუქცია ჩაუტარდა ზესტაფონის ფეროშენადნობთა და რუსთავის მეტალურგიულ ქარხნებს; მიღებული ჰქონდა სახელმწიფო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.368-369

• საქართველოს დამსახურებული ინჟინერი