ზურაბ მარდახიაშვილი

დაბადების ადგილი: ქ. თბილისი.

დაამთავრა თბილისის სამხატვრო აკადემიის არქიტექტურის ფაკულტეტი 1985 წელს.

1985-1991წწ. მუშაობდა საქართველოს სამხატვრო ფონდის თბილისის სამხატვრო-საწარმოო კომიტეტში არქიტექტორად; 1991-1994წწ. მუშაობდა საქართველოს დიზაინერთა კავშირში, არქიტექტორად; 1994 წლიდან მუშაობდა საქართველოს დიზაინერთა ფონდის მოსკოვის განყოფილებაში, დიზაინის განყოფილების უფროსის თანამდებობაზე, აკადემიკოს ზ. წერეთლის ხელმძღვანელობით; აქტიურად მონაწილეობდა და დიდი წვლილი აქვს შეტანილი შემდეგი პროექტების შემუშავებასა და რეალიზებაში: საბავშვო ქალაქი "მზიური" ქ. თბილისში; დიდი სამამულო ომის მუზეუმი ქ. მოსკოვში; საოცრებათა პარკი ბავშვებისათვის; რუსეთის საზღვაო ფლოტის შექმნის 300 წლისთავისათვის მიძღვნილი სკულპტურა "პეტრე დიდი" ქ. მოსკოვში; 1999 წლიდან გადაიყვანეს პროფესიულ სამხატვრო შემოქმედებით ცენტრში დიზაინის განყოფილების გამგის თანამდებობაზე; მონაწილეობდა შემდეგი პროექტების შემუშავებაში: მოსკოვის სახელმწიფო უნივერსიტეტის ფუნდამენტურ მეცნიერებათა ბიბლიოთეკის გაფორმება; ქრისტეს ტაძრის ღდგენა-გარე მორთულობის მოხატვა, ქ. მოსკოვში; 2001 წლის 11 საქტემბრის მსხვერპლთა მონუმენტი ქ. ნიუ-იორკში (აშშ) და ქრისტეს ტაძრის მაქმანებიანი ხიდი; ბესლანის ტრაგედიის მსხვერპლთა მონუმენტი, ქ. მოსკოვში; პ. ა. სტოლიპინის ძეგლი ქ. ულიანოვსკში; 2002 წლიდან მუშაობს თანამედროვე ხელოვნების მოსკოვის მუზეუმში, დიზაინისა და ახალი ფორმების განყოფილების გამგის თანამდებობაზე; დაჯილდოებულია ალექსანდრე ნეველის მედლით ქრისტეს ტაძრის მხატვრული გაფორმებისათვის.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.371-372

• რუსეთის სამხატვრო აკადემია, ნამდვილი წევრი (2013-)
• რუსეთის სამხატვრო აკადემია, წევრ-კორესპონდენტი (2007-)
• სსრ კავშირის დიზაინერთა კავშირი (1985-)