გიორგი გაჩეჩილაძე

დაამთავრა თბილისის სახელმწიფო უნივერსიტეტის ფიზიკის ფაკულტეტი და ხელოვნების ფაკულტეტის კინომცოდნეობის განყოფილება 1986 წელს; თეატრისა და კინოს ინსტიტუტის კინოფაკულტეტი (გ. შენგელაიას სახელოსნო) 1996 წელს.

1986-1992წწ. მუშაობდა  თბილისის სახელმწიფო უნივერსიტეტის კინოს, ენისა და სტრუქტურის სამეცნიერო კვლევით ლაბორატორიაში; 2002-2004წწ. პროდიუსერად ტელეკომპანია "იმედში"; 2009 წლიდან საქართველოს ტელევიზიის პირველ არხზე გენერალური პროდიუსერია. გადაიღო ფილმები: "გილოცავთ ახალ წელს" (მ/მ, 1995); "სამოთხე ჩვენს ქალაქში" (2000). კინორეჟისორი, პროდიუსერი. ფილმისთვის "გილოცავთ ახალ წელს", მიღებული აქვს საქართველოს კინოაკადემიის პრემია "ნატო" - საუკეთესო დებიუტისთვის (1996) და "ზალატოი ვიტიაზის" პრიზი "ვერცხლის რაინდი" (1996).

წყარო: ქართული კონო, 1896-2011.- თბ., 2011.- გვ.58