კონსტანტინე მარშავა

დაბადების ადგილი: სოფელი თაგილონი, აფხაზეთის ავტონომიური რესპუბლიკის გალის რაიონი.

დაამთავრა სოხუმის ინდუსტრიული ტექნიკუმის სამშენებლო ფაკულტეტი 1959 წელს.

1959-1961წწ. მსახურობდა საბჭოთა არმიის რიგებში მფრინავ-რადისტად; 1961 წლიდან მუშაობდა "ენგურჰესის" მშენებლობაზე მშენებელ ოსტატად, სამშენებლო ნაკეთობების საწარმოს საამქროს ოსტატად, სამუშაოთა მწარმოებლად, უფროს სამუშაოთა-მწარმოებლად; 1967 წელს დაამთავრა ქ. მოსკოვის საინჟინრო გეოდეზიისა და კარტოგრაფიის ინსტიტუტის დაუსწრებელი ფაკულტეტი ინჟინერ-გეოდეზისტის კვალიფიკაციით; 1967 წელს დაინიშნა "ენგურჰესის" ძალოვანი კვანძის მშენებლობის სამშენებლო სამმართველოს უფროსის მოადგილედ; არჩეული იყო "ენგურჰესის" მშენებლობის გაერთიანებული პროფკავშირების თავმჯდომარედ; 1981 წლიდან გადაიყვანეს "საქენერგოს" სამშენებლო-სამონტაჟო ტრესტ "საქსოფლელექტრომშენის" აფხაზეთის სამშენებლო-სამონტაჟო სამმართველოს უფროსად; 1993 წლიდან მუშაობდა სამშენებლო-სამონტაჟო ტრესტ "საქსოფელელექტრომშენის" N7 სამშენებლო-სამონტაჟო სამმართველოს უფროსის მოადგილედ; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.372-373

• საქართველოს დამსახურებული ინჟინერი