ირაკლი მარშანია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1949 წელს.

1949-1956 წწ. მუშაობდა თბილისის საავტომობილო გზების საპროექტო ინსტიტუტ "საქგზაპროექტში" ინჟინრად, საპროექტო-საგამოკვლევო პარტიის უფროსად, პროექტის მთავარ ინჟინრად; 1956-1966წწ. მივლინებული იყო ავღანეთში საგზაო ობიექტების მშენებლობაზე; 1966-1972 წწ. მუშაობდა თბილისის საქალაქო საბჭოს აღმასკომის სამშენებლო-სამონტაჟო ტრესტ "ინჟმშენის" N1 და N4 სამონტაჟო-სამშენებლო სამმართველოების უფროსად; 1972-1980 წწ. თბილისის საქალაქო საბჭოს აღმასკომის საგზაო მეურნეობის სამმართველოს უფროსად; 1980-1982 წწ. მუშაობდა საქართველოს საავტომობილო გზების სამინისტროს მშენებარე ობიექტების დირექციაში მთავარ ინჟინრად; 1982-1986წწ. ს/კ გაერთიანება "საქგზამეცნიერებაში" - საგეგმო განყოფილებისა და საავტომობილო გზების N4 სამშენებლო სამმართველოს უფროსად; ხელმძღვანელობდა მრავალი საგზაო ობიექტის, მათ შორის: "თბილისი-მარნეულის", "თბილისი-რუსთავისა" და თბილისის ასაქცევი გზების ცალკეული მონაკვეთების, სახიდე გადასასვლელებისა და საგზაო ხელოვნური ნაგებობების მშენებლობას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.374

• საქართველოს არქიტექტორთა კავშირი, წევრი (1970-)
• საქართველოს არქიტექტორთა კავშირი, გამგეობის წევრი
• საქართველოს მშენებლობის საქმეთა სახელმწიფო კომიტეტი "სახმშენი", დიდი საბჭოს წევრი (1958-)

• შრომის წითელი დროშის საიუბილეო მედალი
• შრომის წითელი დროშის ორდენი
• საქართველოს დამსახურებული მშენებელი