მაქსიმე რამიშვილი

დაბადების ადგილი: სოფელი სურები, ჩოხატაურის რაიონი.

დაამთავრა თბილისის სახელმწიფო უნივერსიტეტის აგრონომიული ფაკულტეტი 1926 წელს.

1953-1963წწ. იყო საქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტის დირექტორის მოადგილე სამეცნიერო ნაწილში; 1964 წლიდან საქართველოს სასოფლო-სამეურნეო ინსტიტუტის მევენახეობის კათედრის პროფესორი და ამპელოგრაფიული ლაბორატორიის ხელმძღვანელი. აღწერა სამეგრელოს, გურიისა და აჭარის გადაშენებული ვაზის ჯიშები; ველური ვაზის ფორმებიდან გამოავლინა პერსპექტიული ჯიშები; გამოიყვანა 23 ჰიბრიდული ჯიში; დაამუშავა ნამყენი ვაზის წარმოების თეორიული და პრაქტიკული საკითხები. მისი ხელმძღვანელობით შეიქმნა საქართველოს სასოფლო-სამეურნეო ინსტიტუტის ამპელოგრაფიული ლაბორატორია, რომელსაც ვაზის მდიდარი კოლექცია აქვს. აგრონომი, სოფლის მეურნეობის მეცნიერებათა დოქტორი, პროფესორი (1947).

წყარო: ქართული საბჭოთა ენციკლოპედია: ტ.8.-თბ., 1984.-გვ.299

• 1960 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი (2 ორდენი)

• ამპელოგრაფია : სახელმძღვ. სას.-სამ. ინ-ტის სტუდენტებისათვის (ავტორი). - თბილისი, განათლება, 1970. - 607გვ.
• ვაზის სანერგე მეურნეობა (ავტორი). - თბილისი, საბჭ. საქართველო, 1964. - 341გვ.
• ამპელოგრაფიული მეთოდიკა (ავტორი). - თბილისი, საბჭ. საქართველო, 1963. - 69გვ.