როლანდ მატარაძე

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი 1967 წელს.

შრომითი საქმიანობა დაიწყო ამიერკავკასიის რკინიგზის, თბილისის N4 სავაგონო დეპოს ელექტრიკოსად; 1969-1982წწ.  მუშაობდა საქართველოს კომუნალური მეურნეობის სამინისტროს თბილისის სპეციალიზებულ სამმართველოში ოსტატად, სამუშაოთა მწარმოებლად, უფროს სამუშაოთა მწარმოებლად; 1983-1986წწ. საქართველოს პროფსაბჭოს კურორტების მართვის რესპუბლიკური საბჭოს თბილისის სარემონტო-სამშენებლო სამმართველოს უფროსად, საბჭოს მთავარ ინჟინრად; იყო საქართველოს სამხატვრო ფონდის თბილისის ქანდაკების კომბინატის სამშენებლო ჯგუფის უფროსი, ამავე ფონდის სპეციალიზებულ სარემონტო-სამშენებლო უბნის სამუშაოთა მწარმოებელი, მთავარი ინჟინერი, სააქციო საზოგადოება "ინტურმშენ-კამარას" მთავარი ინჟინერი; 2001 წელს დაინიშნა შპს "საძირკველი XXI"-ის დირექტორად; მისი მონაწილეობით აშენდა საცხოვრებელი სახლები თბილისში, ნუცუბიძისა და ჟღენტის ქუჩებზე, სამედიცინო ცენტრები ტაშკენტისა და წყნეთის ქუჩებზე და სხვა მნიშვნელოვანი ობიექტები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.377