ნონა მაჩაბელი

დაბადების ადგილი: ქ. თბილისი.

დაამთავრა საქართველოს რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1960 წელს.

1960-1964 წწ. მუშაობდა ს/კ ინსტიტუტ "სოიუზნიიგემში", ყაზახეთში, ქ. პავლოდარში, სსრ კავშირის სატრანსპორტო მშენებლობის სამინისტროს N427 "ხიდმშენმატარებლის" ინჟინრად, უფროს ინჟინრად; 1964-1973 წწ. იყო საქართველოს მშენებლობის საქმეთა სახელმწიფო კომიტეტის ("სახმშენის") მეცნიერების, ახალი ტექნიკისა და მექანიზაციის განყოფილების ინჟინერი, უფროსი ინჟინერი, მთავარი სპეციალისტი; 1973-1987 წწ. საქართველოს კპ ცენტრალური კომიტეტის მშენებლობისა და საქალაქო მეურნეობის განყოფილების ინსტრუქტორი; 1987-1991წწ. მუშაობდა საქართველოს მინისტრთა საბჭოს საქმეთა მმართველობის მშენებლობის განყოფილების უფროს რეფერენტად და წამყვან სპეციალისტად; 1991-1996 წწ. საქართველოს მთავრობის სახელმწიფო კანცელარიის არქიტექტურისა და მშენებლობის საკითხთა მრჩეველად; 1996 წლიდან საპროექტო-სამშენებლო ლიცენზირების ცენტრის ინჟინერია; ყაზახეთში მუშაობის დროს აქტიურად მონაწილეობდა მდინარეებზე - ირტიშსა და იშიმზე საავტომობილო-სარკინიგზო ხიდების, ქ. პავლოდარის ალუმინის ქარხნის, ქ. ერმაკის რაიონული ელექტროსადგურის, ჯეზყაზგანის, ეკიბასტუზისა და ერმაკის გზაგამტარებისა და საცხოვრებელი კომპლექსების მშენებლობაში; საქართველოს ცენტრალურ პარტიულ თუ სამთავრობო დაწესებულებებში მუშაობისას კურირებდა სამშენებლო-საპროექტო ორგანიზაციების მუშაობას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.378

• ღირსების ორდენი