თეიმურაზ მაჭავარიანი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1962 წელს.

1968 წლამდე მუშაობდა საქართველოს ჯანდაცვის სამინისტროსა და პროფკავშირების კურორტების მართვის რესპუბლიკური საბჭოს საპროექტო ორგანიზაციებში კონსტრუქტორად; 1968-1970 წწ. იყო საქართველოს მშენებლობის სამინისტროს საწარმოო სამმართველოს მთავარი სპეციალისტი; 1970-1992 წწ. საქართველოს მშენებლობის სამინისტროს სამშენებლო გაერთიანება "თბილქალაქმშენის" განყოფილების გამგე, მთავარი ინჟინრისა და გაერთიანების უფროსის მოადგილე; მონაწილეობდა გაგრისა და ბორჯომის საკურორტო სფეროს ობიექტების დაპროექტებაში, მუხიანის, გლდანისა და დიდი დიღმის მიკრორაიონების საბინაო და კომუნალური მეურნეობის ობიექტების მშენებლობაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.380