ივანე მაჭავარიანი

დაბადების ადგილი: ქ. თელავი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1962 წელს.

1962-1975წწ. მუშაობდა ქ. თბილისის საქალაქო საბჭოს აღმასკომის სამშენებლო ტრესტ "ინჟმშენის" N3 სამშენებლო-სამონტაჟო სამმართველოში ინჟინრად, უფროს ინჟინრად, საწარმოო გაერთიანების უფროსად, მთავარ ინჟინრად; 1975-1992წწ. საპროექტო ინსტიტუტ "თბილქალაქპროექტის" გაზისა და საინჟინრო ნაგებობათა განყოფილების პროექტის მთავარ ინჟინრად და ხელმძღვანელად; 1992 წლიდან იყო საპროექტო ინსტიტუტ "თბილქალაქპროექტის" მთავარი ინჟინერი, შემდგომ გენერალური დირექტორი; მონაწილეობდა ქ. თბილისის კომუნალური მეურნეობის ძირითადი ობიექტების დაპროექტებაში; იყო გაზის ყველა კატეგორიის გაზსადენის - I, III, IV, V, VI და VII წყალსადენების რეკონსტრუქციის, შემოვლითი წყალსადენისა და მეტროსადგურ "დელისსა" და "ბახტრიონს" შორის არსებულ მონაკვეთში საინჟინრო ქსელების რეკონსტრუქციის პროექტების მთავარი ინჟინერი; ასევე, მთაწმინდის რაიონში დანგრეული კვარტლების საინჟინრო ინფრასტრუქტურის რეაბილიტაციის პროექტის მთავარი ინჟინერი; ხელმძღვანელობდა "სართიჭალა-გაჩიანის" ნავთობსადენის მშენებლობას, ქ. თბილისის განვითარების გენგეგმის მოსამზადებელ სამუშაოებს; მიღებული აქვს სახელმწიფო ჯილდოები, არის ევროგაერთიანების საერთაშორისო პრემიის ლაურეატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.380-381; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.95

• 2000 - ღირსების მედალი
• საქართველოს დამსახურებული მშენებელი