გივი აბდუშელიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის გამოთვლითი ტექნიკისა და ავტომატიკის ფაკულტეტი 1964 წელს. 

1964-1966 წწ. იყო სამეცნიერო კვლევითი ინსტიტუტის ინჟინერი; 1966-1977 წწ. კომკავშირული და პარტიული აპარატის თანამშრომელი; 1977-1980 წწ. მეცნიერებისა და ტექნიკის სახელმწიფო კომიტეტის თავმჯდომარის მოადგილე; 1980-1990 წწ. მატერიალურ-ტექნიკური მომარაგების სახელმწიფო კომიტეტის თავმჯდომარის პირველი მოადგილე; 1991-1992 წწ. საქართველოს მრეწველობის მინისტრი; 1992-1994 წწ. წამყვანი მეცნიერ-თანამშრომელი, სააქციო საზოგადოების გენერალური დირექტორი; 1994-1997 წწ. საქართველოს მინისტრთა საბჭოს მთავარი სახელმწიფო მრჩეველი, დამოუკიდებელ სახელმწიფოთა თანამეგობრობის საქმეთა ბიუროს თავმჯდომარის მოადგილე; 1997-2004 წწ. საქართველოს საგანგებო და სრულუფლებიანი ელჩი უზბეკეთის რესპუბლიკაში. მინიჭებული აქვს საგანგებო და სრულუფლებიანი ელჩის დიპლომატიური რანგი. აშშ ბიოგრაფიების ინსტიტუტის ექსპერტი; ავტორი სამეცნიერო და საზოგადოებრივ-პოლიტიკური სტატიებისა (1967-1993). საქართველოს საინჟინრო აკადემიის ვიცე-პრეზიდენტი, პროფესორი. 

საკანდიდატო დისერტაციის თემა - "მანქანათმშენებლობის საწარმოს ავტომატიზაციის ამოცანები", დაიცვა 1976 წელს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.11;  დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.25

• საქართველოს საინჟინრო აკადემია, ვიცე-პრეზიდენტი

• 1971 - მედალი "შრომითი წარჩინებისთვის"