რეზო ადამია

დაბადების ადგილი: ქ. სენაკი.

დაამთავრა თბილისის სახელმწიფო სამხატვრო აკადემიის ფერწერის ფაკულტეტი 1970 წელს.

1969-1971წწ. მუშაობდა თბილისის 50-ე საშუალო სკოლის ხატვის მასწავლებლად; 1974-1988წწ. საქართველოს ხელოვნების სახელმწიფო მუზეუმის რესტავრატორად, მეცნიერ-თანამშრომლად. გამოფენებში მონაწილეობს 1966 წლიდან. არის ავტორი ნამუშევრებისა: "მეთევზის ოჯახი", "მევენახეები" (1970), "ვაზო ქართულო" (1971), "მეცხვარეეები" (1972-1973), "ჩემი სოფელი" (1973), "მუსიკის წყარო", "ექსკურსია მუზეუმში" (1975), "მაწვნის გამყიდველი", "ჭირნახული", "უკანასკნელი ომის საშიშროება" (1976), პეიზაჟების სერიისა "სამეგრელო" (1975-1998); ხელოვნების მოღვაწეთა და მწერალთა პორტრეტების სერიისა და სხვადასხვა ეკლესია-მონასტერში შეწირული ხატებისა. გამოფენები: პერსონალური - სენაკი (1986), თბილისი (1987, 1997), საფრანგეთი, პარიზი, ნორმანდია, ქ. პორტ ბაი (1997), აზერბაიჯანში, იაპონიაში, ინგლისში, პოლონეთში, რუსეთში, სომხეთში (1970-1997). საერთაშორისო - ქ. დიჟონი (1997); პარიზი - გალერეა "ნატალი", "კავკასიის სახლი", გალერეა "სტელა" (2003-2004); თბილისი - საჯარო ბიბლიოთეკა, "მზე და პარიზული დღესასწაული" (2005); პარიზი, ორი პერსონალური გამოფენა (2005-2006); თბილისი - საჯარო ბიბლიოთეკა, "მზე ნათელი პარიზი" (2006). ხელმძღვანელობდა ძველი სენაკის მაცხოვრის და მარტვილის ღვთისმშობლის სახელობის სალხინოს (დადიანისეული) ეკლესიების საქველმოქმედო აღდგენის ორგანიზაციას. ფოთის, ხობის, სენაკის ეპარქიის დავალებით მუშაობს ნოქალაქევის ორმოც მოწამეთა ეკლესიის აღდგენის ორგანიზებაზე. არის ესეებისა და ნოველების ავტორი; ეგრისის, კავკასიის ხალხთა და ეროვნული აკადემიების აკადემიკოსი; საქართველოს მხატვართა კავშირის სენაკის განყოფილების ხელმძღვანელი; თავადაზნაურთა საზოგადოების საორგანიზაციო კომისიის წინამძღოლი; ქ. დიჟონის საერთაშორისო გამოფენის საპატიო დიპლომის მფლობელი (1997).  ფერმწერი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.17; kvira.ge; სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. -გვ.154-161

• საქართველოს მხატვართა კავშირი, წევრი (1980-)
• პარიზის ხელოვნების საერთაშორისო ცენტრის , მუდმივი წევრი
• სამეგრელოს რეგიონულ მხატვართა კავშირი რაინდის წოდებით, თავმჯდომარე
• ფაზისის აკადეემია, აკადემიკოსი

• ვაჟა-ფშაველას პრემია ოქროს მედლით
• წმინდა ნინოს ჯვარი, მთავარი პრიზი
  ქრისტიანობის პოეზიის ფესტივალმა კულტურისა და ხელოვნების განვითარებაში შეტანილი განსაკუთრებული წვლილისთვის
• გურამ რჩეულიშვილის სახელობის პრემია
• ილია ჭავჭავაძის სახელობის პრემია
• სრულიად საქართველოს დავით აღმაშენებლის პრემია (ორჯერ)
• გალაკტიონ ტაბიძის სახელობის პრემია
• სენაკის საპატიო მოქალაქე

• ტერენტი გრანელი - სისხლიდან ცრემლი : წინათქმა ნესტან სულავა (ავტორი). - თბილისი, ინეტელექტი, 2008. - 119გვ.. - ISBN: 978-9941-9015-7-7